Карлас Алос: «Калі Савіцкі добра сябе праявіць за «Нёман», ён будзе ў зборнай Беларусі – у верасні не быў гатовы фізічна»
Галоўны трэнер зборнай Беларусі Карлас Алос пракаментаваў адсутнасць паўабаронцы Паўла Савіцкага ў складзе перад спарынгамі з Мальтай і Чарнагорыяй.
– У кастрычніку мінулага года вы, каментуючы невыклік Паўла Савіцкага, сказалі, што яму трэба крыху адпачыць. І з таго часу не выклікалі. Зараз Савіцкі добра глядзеўся ў Кубку супраць «Мінска», але зноў па-за складам.
– Савіцкі – добры футбаліст. Ён валодае незвычайнымі здольнасцямі. Ён вельмі тэхнічны, разумны, умее забіваць і ўмее карыстацца сваім целам. Але ў верасні ён не быў гатовы фізічна на сто працэнтаў. Мы размаўлялі і ў яго былі пэўныя скаргі на здароўе. Нешта яго непакоіла. Зараз у Беларусі сезон толькі пачынаецца… Нам было складана адсачыць фізічны стан футбалістаў, іх гатоўнасць. Былі пэўныя сумневы па ўсіх. Савіцкі не патрапіў у 23. Але дзверы для яго адчыненыя. Калі ён добра сябе выявіць за «Нёман», ён будзе ў камандзе, – сказаў Алос.
