План развіцця «Слуцка» не ўхвалены з падачы рэжымнага губернатара па Мінскай вобласці. Ён хоча, каб клуб больш зарабляў сам
Як стала вядома «Трыбуне» «Слуцку» да гэтага часу не зацвердзілі план развіцця на 2024 год. Без яго нельга разлічваць на цукровы завод, падтрымка якога была асновай у фармаванні бюджэту.
У мінулым годзе міністр спорту Лукашэнкі Сяргей Кавальчук таксама не падпісваў дакумент праз тое, што ў клубе былі гульцы з «чорнага спісу».
У гэтым годзе фінансаванне «Слуцка» затрымліваецца не праз Кавальчука, а з падачы рэжымнага губернатара па Мінскай вобласці Аляксандра Турчына. Па нашай інфармацыі чыноўнік стаў ініцыятарам таго, каб «Слуцку» не падпісвалі план развіцця. Турчын даў зразумець «Слуцку», што настаў час «злазіць» з бюджэтнай іголкі, вучыцца зарабляць, а адзіным стымулам для гэтага, на яго думку, зʼяўляецца адсутнасць плана развіцця. З боку Турчына стаіць умова: мінімум 50 працэнтаў бюджэту клуб мусіць сфармаваць сваімі высілкамі – тады можна будзе разлічваць і на рэжымную падтрымку.