Гулец «Іслачы» Юдчыц: «У паўфінале Кубка Беларусі «Тарпеда-БелАЗ» нічым не здзівіў»
Абаронца «Іслачы» Яўген Юдчыц падвёў вынікі першага матча 1/2 фіналу Кубка Беларусі з «Тарпеда-БелАЗ» (1:0).
– Добры матч атрымаўся. Мы, вядома, ужо рыхтаваліся гуляць толькі на перамогу, бо ў нас не вельмі добрая паласа была ў гэтым плане. Таму для нас гэтая перамога як глыток свежага паветра. Спадзяюся, што далей у нас усё пайдзе толькі наперад, і мы будзем перамагаць ад гульні да гульні.
Супернік нічым не здзівіў. Мы рыхтаваліся да такой гульні, дзе будзе шмат барацьбы, бо матч Кубка, ён адрозніваецца ад гульні чэмпіянату. Тут хто больш выйграе барацьбы, хто больш жадае, жадае, той і даб'ецца перамогі. Таму чакалі такую баявітую гульню. Так і атрымалася.
– Гульня ў адказ пройдзе ўжо на натуральным полі. Наколькі «Іслач» гатова да пераходу і наколькі змена пакрыцця са штучнага на натуральнае памяняе малюнак гульні.
– Ну, па-мойму, там гульня ў сярэдзіне траўня будзе. Мы ўжо паспеем перайсці на натуральныя палі, таму што з 1 траўня абавязваюць усіх перайсці на іх. Так што, мяркую, праблем з гэтым не будзе.
Нават, па-мойму, мы паспеем згуляць яшчэ дома з мiнскім «Дынама» на натуральным полі. Таму будзем рыхтавацца, як звычайна, яшчэ амаль цэлы месяц да гульні. Усё можа памяняцца. Таму будзем рыхтавацца да гэтага матчу непасрэдна бліжэй да яго даты, – сказаў Юдчыц.
