Постіранічныя відэа, дзіўныя эфекты і расійская папса. Што цяпер збірае прагляды ў замежным спартыўным Тык Току
Дзівацтва ў сацыяльных сетках.
Сучасныя інтэрнет-трэнды хуткаімгненна множацца і часцяком не падпарадкоўваюцца звычайнай логіцы. Раптам «заляцець у рэкамендацыі» можа выразка са старога фільма, бессэнсоўнае відэа ці смешны ўрывак з іншамоўнай песні.
Сабралі некалькі прыкладаў нечаканых пастоў ад замежных клубаў і футбольных зорак
1. Нарэзкі з матчаў пад Кацю Лель
Песня «Мой мармеладны» стала папулярнай у замежным Тык току яшчэ ў лістападзе 2023-га года. Трэку на той момант ужо было 20 гадоў, але ён неяк дабраўся да англамоўных карыстальнікаў сацыяльных сетак і стаў трэндам. Такім чынам Каця Лель дабралася і да футбола.
Спачатку «Аякс» выклаў у Інстаграм відэа сваіх галоў пад гэты трэк. Пост сабраў больш за 6 мільёнаў праглядаў і амаль 300 тысяч лайкаў:
Потым у Інстаграм акаўнце «Серыі А» з’явілася выразка з матча лігі з гэтай песняй на фоне:
А некалькі дзён таму «Серыя А» таксама запосціла ў сваім ТыкТоку прыгожы сэйв Майка Меньяна і суправадзілі яго трэндавай расійскамоўнай песняй:
Адзначым, што аўтарка папулярнай на захадзе песні не выказалася супраць вайны Расіі супраць Украіны, працягвае жыць у Маскве і часцяком распавядае пра свае кантакты з іншапланетнымі расамі.
2. Постіранічныя бессюжэтныя відэа
Дзіўныя пасты з нізкаякаснымі эфектамі ўжо пэўны час з’яўляюцца трэндавымі ў сацыяльных сетках. Больш за ўсіх астатніх іх выкарыстоўвае бразільскі форвард «Тотэнхэма» Рышарлісан.
Нядаўна вось такое відэа сабрала больш за 30 мільёнаў праглядаў у Тык Току:
Інстаграм футбаліста такама поўніцца досыць папулярнымі пастамі рознай ступені абсурду:
3. «Мілан» і ўсё дзівацтва разам
У «Мілане» працуе досыць крэатыўны SMM-спецыяліст. У Тык Току клуба часцяком з’яўляюцца бянтэжныя відэа з футбалістамі.
Гэта можа быць постіранічнае відэа з Калулу:
Альбо пытанне: «якога колеру люстэрка?»
Выкарыстанне штучнага інтэлекту:
Ці Тык Ток-маска для ацэнкі футбалістаў: