Прызёр ЧС-2023 Ціханцоў пра АГ-2024: «Будзем рыхтавацца, трэніравацца і трываць»
Беларускі цяжкаатлет, бронзавы прызёр чэмпіянату свету-2023 Яўген Ціханцоў падзяліўся меркаваннем аб падрыхтоўцы да Алімпіяды-2024.
– Не ведаю, ці будзе маральна лягчэй або цяжэй. Але рыхтуюся. Буду максімальна старацца, каб выйсці і паказаць на што я здольны, на які вынік здольны. Будзем рыхтавацца, трэніравацца і цярпець. Інакш ніяк, – сказаў Ціханцоў.
Нагадаем, у адказ на вайну, якая з 24 лютага 2022-га працягваецца Расіяй ва Украіне з выкарыстаннем тэрыторыі Беларусі, МАК 28 лютага 2022-га апублікаваў рэкамендацыю адхіліць прадстаўнікоў Расіі і Беларусі ад міжнародных спаборніцтваў, як i зрабiла большасць сусветных федэрацый па відах спорту.
28 сакавіка 2023-га МАК абвясцiў, што з гэтага моманту рэкамендуе дапускаць да міжнародных спаборніцтваў беларускіх і расійскіх індывідуальных атлетаў у нейтральным статусе, калі такія спартсмены не дапускалі «актыўнай падтрымкі» вайны ва Украіне, а таксама не маюць кантракта з ваеннымі або сілавымі ведамствамі Беларусі ці Расіі.
