Дзмітрый Квартальнаў: «Пасля двух паражэнняў было невялікае расчараванне. Сёння «Дынама» справілася і перамагло»

Галоўны трэнер мінскага «Дынама» Дзмітрый Квартальнаў пракаментаваў перамогу над «Адміралам» (4:0).

– Добрая гульня. Згулялі «на нуль». Лёша Коласаў – малайчына, даў нам шанец. Закінулі дзве шайбы ў большасці.

Пасля двух паражэнняў было невялікае расчараванне. Сёння хлопцы справіліся і перамаглі.

– Ці важны «сухі» матч для Аляксея Коласава?

– Важны і для Лёшы, і для ўсёй каманды. Не прапусціць – нам гэта трэба.

Перад папярэдняй выязной серыі быў аптымізм. Цяпер вярнуліся [на тую ж кропку]. Трэба працягваць.

– З другога перыяду не гуляў Сэм Энас, з трэцяга – Керан. Таксама не быў у заяўцы на матч Фрыц. Што з імі?

– Фрыц не змог згуляць, у яго невялікая траўма. Энас не дагуляў па той жа прычыне. Наконт Керана пакуль не ведаю.

Будзем гуляць. Што зрабіць? Хакей – траўматычны від спорту.

– Што з Фергюсанам? Ён не гуляў пасля матчу з «Сочы».

– У яго траўма. Але нічога сур'ёзнага. Сёння трэніраваўся.

– У першым звяне Энаса замяніў Звягін. Задаволеныя ім?

– У трэцім перыядзе памянялі гэтае спалучэнне. Ён доўга гуляў за фарм-клуб у МХЛ. Трэба яму прывыкнуць, усё ж такі тут іншыя патрабаванні.

Толькі ў канцы перыяду адчулі азарт, моладзь на гэтым адрэзку нядрэнна выглядала. У другім перыядзе нахапалі шмат выдаленняў, у нас гулялі адны і тыя ж людзі. Хтосьці адпачываў і замёрз. Але ўсё роўна трэба быць гатовым. Выдатна, што выстаялі ў меншасці. І ў канцы трэцяга перыяду разыграліся.

– Ліпскага адправілі ў «Дынама-Шыннік». Чаму? Таксама не гуляў Борыкаў два матчы запар. Ці ўбачым мы іх, а таксама Жыхарава ў складзе моладзевай зборнай на Кубку будучыні.

– У Борыкава траўма.

Зробім усё магчымае, каб яны згулялі за зборную. Усё ж такі гэта нацыянальная каманда.

Але ёсць і іншы момант. Гэтыя хлопцы ў нас гуляюць. І ў нас шмат траўміраваных. Але калі ўсе будуць здаровыя, то яны згуляюць за зборную.

– Мікіта Жыхараў набраў першы бал у КХЛ. Наколькі задаволеныя ім?

– У нас вялікая група маладых хлопцаў. Яны атрымліваюць шанец. Ім трэба будзе яшчэ шмат працаваць. Ім трэба трымацца за гэты шанец, выконваць тое, што мы просім.

Асіст Жыхарава – гэта добра. Але яшчэ наперадзе шмат працы, каб стаць асноўным гульцом каманды.

– Дзярабін, Смірноў, Калдыс. Шмат траўмаваных абаронцаў. Сёння выклікалі Пажыгана. Ён згуляе з «Северсталлю»?

– Калі Керан не будзе гуляць, то так.

– Ці варта ў гэтым кантэксце чакаць выкліку Валочкі з «Дынама-Шынніка»?

– Пакуль не гатовы адказаць. Глядзім на ўсіх хлопцаў. Усё можа быць, – сказаў Квартальнаў.