Мікіта Пышкайла: «Маскоўскае «Дынама» гуляе ў досыць просты хакей, але гэта вельмі сур'ёзны супернік»
Нападнік мінскага «Дынама» Мікіта Пышкайла падзяліўся чаканнямі ад плэй-оф КХЛ.
– Як адчуваеш сябе, як перанёс дарогу?
– Супер, не першы раз, адну гадзіну праляцець усяго. Дзесьці адпачылі дзянёчак, потым падрыхтаваліся, і з новымі сіламі ўступаем у гэтую серыю.
– Ці адрознівалася неяк падрыхтоўка да серыі плэй-оф ад падрыхтоўкі да матчаў у рэгулярным чэмпіянаце?
– Па-першае, адрознівалася тым, што перш у нас не было так шмат дзён паміж гульнямі, таму правялі тры трэніровачныя дні, больш інтэнсіўных.
– Напэўна, разбіралі суперніка. Чым небяспечна маскоўскае «Дынама»?
– Гэтая каманда гуляе ў досыць просты хакей. Разабралі, як забіваюць галы, як прапускаюць, і як нам лепш дзейнічаць. Вельмі сур'ёзны супернік, мы гэта ўсё разумеем. Масквічы выйгралі рэгулярны чэмпіянат, таму будзе вельмі цяжка, але мы настройваемся на перамогу, будзем паказваць усё, на што мы здольныя.
– Ці разбіралі вочныя матчы?
– Пару момантаў з папярэдняй гульні разабралі, глядзелі апошнія матчы, якія масквічы правялі ў рэгулярцы.
– На гульню заўтра прыедзе каля сотні балельшчыкаў. Як думаеш, ці будзеце чуць іх падтрымку?
– Раз такая колькасць прыедзе, вядома, пачуем. І, вядома ж, чакаем іх. Заўсёды прыемна, калі за цябе хварэюць, асабліва на чужой арэне, таму вельмі чакаем. Будзем старацца парадаваць сваёй гульнёй, – сказаў Пышкайла.