Трэнер зборнай Беларусі па акадэмічным веславанні Белы: «На МЧМ добра паставіліся. Трэнеры, з якімі раней сябравалі – віталіся»
Галоўны трэнер зборнай Беларусі па акадэмічным веславанні Віталь Белы падзяліўся меркаваннем аб маладзёжным чэмпіянаце свету, да якога дапусцілі беларусаў.
– Зараз паехалі на чэмпіянат свету, былі абмежаванні. Але, мусіць, самае цяжкае, наколькі мне зразумела, гэта без гімна і сцяга, так?
– Забаранялі нашы колеры. Нават на майцы каб не было зялёнага. Якую-небудзь шэрую, белую можна было. А зялёнае, чырвонае – нашых колераў – не павінна быць. Сустрэлі нармальна – як бы ніякіх праблем не было.
– Гэта значыць добра да вас паставіліся?
– Так, добра паставіліся. Дапамагалі, калі трэба было ў аргкамітэце, у міжнародным.
– А спартсмены як паміж сабой да вас як ставіліся?
– Трэнеры, з якімі мы раней, можна сказаць, сябравалі, размаўлялі – вітаюцца. І італьянцы, немцы вітаюцца.
– Ну, гэта значыць вельмі сяброўскі.
– Так, неяк так слава богу прайшло нармальна, – сказаў Белы.
Нагадаем, у адказ на вайну, якая з 24 лютага 2022-га працягваецца Расіяй ва Украіне з выкарыстаннем тэрыторыі Беларусі, МАК 28 лютага 2022-га апублікаваў рэкамендацыю адхіліць прадстаўнікоў Расіі і Беларусі ад міжнародных спаборніцтваў, як i зрабiла большасць сусветных федэрацый па відах спорту.
28 сакавіка 2023-га МАК абвясцiў, што з гэтага моманту рэкамендуе дапускаць да міжнародных спаборніцтваў беларускіх і расійскіх індывідуальных атлетаў у нейтральным статусе, калі такія спартсмены не дапускалі «актыўнай падтрымкі» вайны ва Украіне, а таксама не маюць кантракта з ваеннымі або сілавымі ведамствамі Беларусі ці Расіі.