На матч белмінора прыгналі моладзь з чырвона-зялёнымі сцягамі, але ўспышка вернасці рэжыму не дапамагла – атрымалі 0:5
Ніколі такога не было і вось зноў.
Пахмурная субота 15 красавіка ў Століне была асветлена зарадам чырвона-зялёнага патрыятызму – менавіта гэтымі колерамі намагалася поўніцца трыбуна мясцовага стадыёна падчас матчу беларускага Д3 паміж ДЮСШ «Столін» і «Новай Прыпяццю».
Збіраць БРСМаўцаў на арэнах зусім не новая практыка ў беларускім футболе: прыгадаць хаця б фантастычны «фан-сектар» на матчы «Віцебска» ў 2021 годзе.
Дый не тое, каб і для Століна нешта новае: менавіта на мясцовым ФОК у мінулым годзе пабывалі тады яшчэ кіраўнік АБФФ Уладзімір Базанаў і колішні футбаліст «Арсенала» Аляксандр Глеб, якія ў «дзяржаўным» стылі адкрывалі пляцоўку пасля ўкладкі на ёй штучнага газона.
Але ж гэткая ідэалагічна вывераная «падтрымка» у 2023 годзе не дапамагла камандзе – у першым туры ДЮСШ «Столін» быў біты з лікам 0:5.
