Мінскае Дынама без легіянераў. Як гэта будзе?
Разважаем наконт ідыёцкай (паводле меркавання аўтара) ідэі
Вітаю ўсіх! Разумею, што навіне ўжо шмат дзён, але толькі зараз вырашыў падумаць наконт складу мінскага Дынама, калі ўсе ж клуб застанецца без легіянераў. Да варыянту складу прымаюцца заўвагі ды іншыя меркаванні, усе ж такі гэта даволі суб'ектыўны артыкул. Пачнем.
Брамнікі:
Міхаіл Карнавухаў - 23 гады
КХЛ - 4 гульні/5.12 шайб за гульню/0.75 -КН
АЧБ - 23/2.54/0.893; у ПО - 5/2.24/0.915
ЧС - 3/4.6/0.875
Ян Шэлепнеў - 24 гады
АЧБ -17/2.46/0.891
На сення, паводле ростэра, Дынама зусім без брамнікаў, але мы цудоўна разумеем, што гэтыя хлопцы абавязкова будуць у кэмпе і , хутчэй за ўсе, у складзе каманды. Шчыра кажучы, гульню Шэлепнева не бачыў у гэтым сезоне, таму не ведаю яго здольнасцяў, але ў Маладзечна канкурэнцыю Карнавухаву ён праіграў. Таму ў нашай магчымай камандзе намінальным першым нумарам будзе менавіта Міхаіл. На думку трэнерскага штабу зборнай Міхаіл зараз - 2 нумар краіны (заўзятары Немана не пагаджаюцца, але пачакайце крышачку) і, пасля зыходу Лаланда лагічна будзе, калі ён зойме першае месца ў Дынама. Але, гледзячы на яго статыстыку, паўстае пытанне - ці хопіць гэтага? Брамнік Міхаіл нядрэнны, гэта праўда, напркылад на ЧС-17, перамога над нарвежцамі гэта мінімум на 50% яго заслуга, вось толькі мне здаецца не можа ён увесь сезон трымаць высокі узровень. Час побач са Скрывенсам шмат чаму яго навучыў (гульня клюшкай, дапамога абаронцам), да і завесці партнёраў Міхаіл таксама можа не горш за свайго Канадскага калегу. А раз не можаш так правесці ўвесь цыкл гульняў, то патрэбен бэкап, а шукаць мы яго будзем толькі ў АЧБ (Кульбакова не чапаем, няхай у яго ўсе ў Амерыцы атрымаецца)
Віталь Трус - 28 год, Неман
АЧБ - 25/1.65/0.939; у ПО - 10/1.01/0.96
Першы кандыдат. Лепшы брамнік АЧБ 16/17, лепшы гулец плэй-оф АЧБ. Ільвіная доля чэмпіёнства Немана гэта яго надзейная гульня. І я лічу, што яму патрэбна пераходзіць у Дынама толькі ў адным выпадку - калі ён на 95% будзе першым нумарам. Ён больш сталы і дасведчаны за Карнавухава, набліжаецца да ўзросту росквіту брамніка і для яго развіцця гульня ў Дынама будзе больш карыснай за АЧБ і мінімум 6 матчаў ЛЧ, але толькі ў тым выпадку, калі ён будзе асноўным. Тады ў перспектыве Трус стане першым нумарам і ў зборнай.
А калі не атрымаецца з Трусам(ведаю, што заўзятары Немана вельмі не жадаюць каб ён кудысці перабіраўся), то ў АЧБ бачу толькі адзін варыянт
Максім Малюцін - 28 год, Шахцёр
АЧБ - 23/1.97/0.914
Лепшы брамнік краіны 14/15 і 15/16, але ў гэтым годзе нешта здаў і прайграў месца на пляцоўцы шведу Ландскугу, таму пераход можа дадаць энергіі і эмоцый, бо ўпэўнены, што майстэрства нікуды не падзелася.
P.S. Мільчакоў не брамнік для Дынама, там прафесійны клуб, а ён ўжо пачаў гуляць за каманду прэзідэнта.
Абаронцы
Лінія ў якой менш за ўсе пытанняў. Бо толькі адзін легіянер, беларусаў хапае, таму аніякіх нечаканасцяў тут не будзе. Для спрашчэння будзем глядзець па парах:
Кірыл Гатавец, 25 год - КХЛ -24 гульні/1г+5п/8шхв/+13; ПО - 5/0+0/2/-2
Яўген Лісавец, 22 гады - КХЛ -60/7+12/55/+3; ПО - 5/1+0/4/+1; ЧС - 6/2+2/4/-2
Лісавец зараз - лепшы абаронца Дынама і лепшы абаронца зборнай(Дзянісаў не прымаў ўдзел з-за траўмы, а Бэйлен проста не прымаў удзел), яго месца ў Дынама і ў зборнай непахісна. Што датычыцца Гатаўца, то ў мінулым сезоне ён больш лячыўся, чым гуляў, і нават зараз аднаўляецца пасля траўмы, але і яго заакіянскі досвед і добрае катанне дапамогуць Дынама
Раман Грабарэнка, 24 гады - КХЛ -16/2+6/21/+7; ПО - 1/0+0/2/-1; ЧС - 4/0+1/6/-4
Ілля Шынкевіч, 27 год - КХЛ -54/5+4/72/+4; ПО - 5/0+0/2/-1; ЧС - 7/2+2/2/1