Ціманоўская паведаміла, што афіцыйна развялася. Назвала гэта найлепшым днём у жыцці
Фаловеры не зразумелі.
15 сакавіка беларуская лёгкаатлетка Крысціна Ціманоўская, якая цяпер выступае за зборную Польшчы, распавяла ў сваім інстаграм, што развялася з мужам – былым лёгкаатлетам, трэнерам па фітнесе Арсеніем Зданевічам.
Пра тое, што пара, якая была разам 10 гадоў, 6 з якіх – у афіцыйным шлюбе, распалася, стала вядома ў верасні 2023-га. Растанне выглядала мірным – спартсменка падзякавала Зданевічу за два гады ў эміграцыі, за падтрымку і дапамогу ў падрыхтоўцы да спаборніцтваў. Муж і жонка мірна падзялілі маёмасць і Ціманаўская з'ехала з кватэры.
Але ўжо праз месяц лёгаатлетка загаварыла інакш. Спачатку Ціманоўскі заявіла, што падтрымкі ад мужа ў цяжкі для сябе момант яна зусім не атрымлівала, а калі прыехала забіраць свае рэчы ўжо пасля растання, то нібыта Зданевіч нагаварыў такога, што цяпер камунікацыя з ім магчымая толькі праз юрыстаў. А пазней абвінаваціла мужчыну ў здрадзе і спробах загладзіць сваю віну падарункамі.
Наогул, спартоўку цяжка назваць паслядоўнай. Каментуючы свой развод, дзяўчына прызнавалася, што вобраз шаслівай сямʼі, які яна стварала праз свае сацсеткі, не адпавядаў рэчаіснасці. А праз час сцвярджала, што яна сумленная перад сваёй аўдыторыяй.
Практычна адразу пасля афіцыйнай заявы аб растанні муж і жонка пачалі новыя адносіны. Зданевіч стаў сустракацца з украінскай мастачкай Дзіянай.
Ціманоўская таксама хутка знайшла новую пару. На адпачынку ў Грэцыі пазнаёмілася з украінцам Аляксандр Салонскім, з якім нядаўна адсвяткавала маленькую гадавіну – 5 месяцаў разам.
Свой афіцыйны развод спартсменка пракаментавала ва інстаграм так:
«Я сказала: «Так!» Гэта лепшы дзень у маім жыцці. Шчаслівая, вольная, маладая і прыгожая. Прымаю віншаванні», – напісала Ціманоўская.
Падпісчыкі павіншавалі лёгкаатлетку з гэтай падзеяй, хаця знайшліся і тыя, хто падумаў, што гаворка ідзе пра новы шлюб.
Былы муж Ціманоўскі рашэнне польскага суда не камэнтаваў.
Развод з мужам стаў не першай «завершанай» падзеяй у жыцці бягухі ў 2024-м – у канцы лютага дысцыплінарны трыбунал World Athletics дыскваліфікаваны на пяць гадоў трэнера Юрыя Майсевіча, які прэсаваў Ціманоўскую ў Токіа.
