Дзмітрый Лазоўскі: «У мас-старце я іду другім у агульным заліку, хочацца хаця б там пазмагацца за высокія месцы»
Беларускі біятланіст Дзмітрый Лазоўскі пракаметаваў вынікі спрынтарскай гонкі на заключным этапе Кубка Садружнасці.
– Дзмітрый, што скажаш па спрынтарскай гонцы. Накшталт быў нядрэнны ход. Промах крыху прыпсаваў карціну?
– Так, пасля першай стральбы я нядрэнна ішоў. Падвяла другая стральба. Першы стрэл прамазаў, нажаль. Без гэтай памылкі можна было пазмагацца за прызы сёння. У цэлым, гонка працоўная. Выціскаў з сябе ўсё, што магчыма ў дадзенай сітуацыі.
– Трохі нашы біятланісты не змаглі падтрымаць пераможны матыў Солы сёння...
– Не зусім, вядома, маляўніча ўсё выйшла, як у жаночай гонцы. Гэта не тое, на што мы разлічвалі, канешне. Як ёсць, нічога мы тут ужо не выправім.
– З лыжамі, можа, былі праблемы?
– Складана адназначны адказ тут даць. Трэба прааналізаваць.
– На эстафеты як фармаваўся склад?
– Зыходзячы з агульнага стану. Трэнерскі штаб дэталёва аналізуе літаральна па ўсіх параметрах.
– Наперадзе яшчэ мас-старт для дасягнення асабістых мэт...
-–Так, у мас-старце я іду другім у агульным заліку. Хочацца хаця б там пазмагацца за нейкія высокія месцы. Або ў заліку, або, канкрэтна, у гэтай гонцы, – сказаў Лазоўскі.