Антон Смольскі: «Мой галоўны супернік – Эдуард Латыпаў»
У межах тэлепраграмы беларуская біятланістка Дзінара Смольская ўзяла інтэрв'ю ў свайго мужа Антона Смольскага.
– Галоўная спартыўная падзея ў сезоне для цябе?
– Самае феерычнае – этап у Раўбічах. Бо тады давялося ісці на некаторыя ахвяры, каб паказаць вынік.
– Якія ахвяры?
– Два тыдні я знаходзіўся адзін, на зборах. З аднаго боку, мужчыну знаходзіцца некаторы час аднаму карысна, але, з іншага боку, я быў па-за сям'ёй на найважнейшым сямейным свяце, у Новы год. Мне падаецца, што гэта сур'ёзная ахвяра для выніку.
– Што для цябе значыць барацьба з Эдуардам Латыпавым?
– Заўсёды цікава, асабліва калі разумееш, што нашы ўзроўні прыкладна роўныя. Мы канкуравалі не толькі на расійскіх турнірах, але і на Кубку Свету, а на Алімпійскіх Гульнях заўсёды мы былі побач.
– Як табе ўдаецца падтрымліваць добрыя адносіны з Эдуардам, але быць няўступлівым на дыстанцыі?
– Ён вельмі добры чалавек, а такіх мала ў вялікім спорце. Дабрадушны, ніколі не будзе рабіць нешта на зло. І самае галоўнае, што нават дапаможа, калі будзе патрэбна. Але на дыстанцыі мы супернікі. Мой галоўны супернік – Эдуард Латыпаў, – сказаў Смольскі.
