«Арсенал» – першы ў свеце па кошце склада. Зінчанка і кампанія каштуюць больш, чым «Напалі» і «Інтэр» разам узятыя

Мора цікавых трансфераў, якія адбыліся ў першай палове лета 2023 гады, пацягнулі за сабой цікавыя наступствы. Размова ідзе не толькі пра тое, што цяпер некаторым клубам неабходна шукаць замену лідэрам, якія сышлі, а некаторым гульцам адбівацца ад хейту заўзятараў, якія крытыкуюць іх за выбар на карысць Саудаўскай Аравіі. Давайце крыху прасцей – гаворка ідзе пра цэннікі на партале Transfermarkt.

Можна па-рознаму ставіцца да гэтай крыніцы, аднак на іх спасылаюцца ўсе, калі гаворка ідзе пра кошт гульцоў. І пасля актыўнасці некаторых клубаў на трансферным рынку адбыліся пэўныя змены, галоўная з якіх – новы лідэр у спісе самых дарагіх складаў каманд у свеце.

Тут важна адразу ўдакладніць, што гаворка ідзе менавіта пра ацэнку складу па версіі Transfermarkt, а не пра рэальныя грошы, якія клубы заплацілі за гульцоў. Да прыкладу, «Баер» выклаў 25 млн еўра за Граніта Джаку, хоць партал ацэньвае швейцарца ў 20 млн.

Таксама адзначым: усе цэннікі ў гэтым тэксце далей – па версіі Transfermarkt.

Першая дзясятка выглядае так:

🔷 толькі тры клубы пераадолелі адзнаку 1+ млрд еўра;

🔷 «Арсенал» адпусціў Джаку (20 млн па версіі Transfermarkt), Пабла Мары (5 млн) і М'йтленд-Найлза (8 млн). Сумарна – мінус 33 млн еўра ад кошту склада, замест гэтага набылі Райса (90 млн), Хаверца (55 млн), Цімбера (42 млн), а таксама вярнуліся з арэнд Балогун (30 млн), Пепэ (18 млн), Таварэш (18 млн), Саарэш (3 млн) і Рунарсан (1 млн). Сумарна – плюс 257,5 млн еўра да кошту склада. Такі прырост дазволіў не толькі пераадолець адзнаку ў 1 млрд еўра, але і абагнаць «Манчэстэр Сіці», чые гульцы каштавалі больш за мільярд увесь мінулы сезон;

🔷 «ПСЖ» пакуль яшчэ ў тройцы, але калі ў іх атрымаецца прадаць Мбапэ (180 млн) ужо гэтым летам, то парыжане ўпадуць у гэтым рэйтынгу ў канец дзясяткі;

🔷 аж 6 прадстаўнікоў АПЛ – нічога дзіўнага.

Але і паглядзім, што там у другой дзесятцы:

🔶 самая дарагая каманда Італіі, «Напалі», не ўвайшла нават у дзясятку, толькі 12-е месца;

🔶 склад «Арсенала» (ды і «Сіці») мае ў 2 разы вялікі кошт, чым сума складаў чэмпіёна Серыі А «Напалі» і фіналіста ЛЧ «Інтэра» (1,09 млрд еўра на дваіх);

🔶 «Баер» уварваўся ў дваццатку, нядрэнна ўзмацніўшыся летам: Грімальдо (25), Джака (20), Гофман (13), Артур (5).

***

Што яшчэ з цікавага:

🔶 самы дарагі склад сярод прадстаўнікоў другога дывізіёна – у «Саўтгемптана». Яны знаходзяцца на 23-м месцы, ледзь не ўварваліся ў дваццатку;

🔶 самая дарагая каманда па-за топ-5 лігамі (калі мы яшчэ лічым Францыю членам гэтай групы) – «Бенфіка», якая займае 26 месца (365 млн еўра);

🔶 «Лідс» (246 млн), які вылецеў у Чэмпіёншып, даражэй за «Аякс» (229 млн);

🔶 у топ-100 толькі адзін прадстаўнік Украіны. На 73 месцы размясціўся «Шахцёр» (144,4 млн), але ім у спіну ўжо дыхае «Аль-Хілаль» (140,6 млн) – самы дарагі клуб Саудаўскай Аравіі і першы прадстаўнік гэтай краіны ў такім спісе. Цікава, што склад гарнякоў таннейшы за склад, напрыклад, «Зальцбурга» (199 млн) або «Бернлі» (166 млн);

🔶 самы дарагі склад з клубаў па-за Еўропай – «Фламенга» (168,4 млн, 65 месца);

🔶 кіеўскае «Дынама» не ўвайшло ў першую сотню самых дарагіх, іх склад каштуе 72 млн еўра.

Фота: «Арсенал»