«Напалі» нарэшце прарвала ў Серыі А: першы разгром у сезоне, першы гол Хвічы за 192 дні і расстаялае сэрца Асімхена
А ў гульца «Удынезе» ўсяліўся Месі!
Чэмпіён мінулага сезона Серыі А няважна стартаваў у бягучым: «Напалі» пачаў з дзвюх перамог над не самымі моцнымі «Фразінонэ» (3:1) і «Сасуоло» (2:0), прайграў «Лацыё» (1:2) і згулялі ўнічыю з няважкімі «Джэноа» (2:2) і «Балонняй» (0:0). Сюды ж дадаўся свежы скандал вакол нігерыйскага форварда каманды Віктара Асімхена – ён пакрыўдзіўся на клубную прэс-службу за тыктокі, выдаліў амаль усе фота ў футболцы «Напалі», а агент паведаміў, што справа можа дайсці нават да суду.
Улічваючы праблемы неапалітанцаў на старце сезона і той факт, што Асімхен цяпер з'яўляецца найлепшым галеадорам клуба, фанаты баяліся за вынік сустрэчы з «Удынезе», якая мела адбыцца 27 верасня. Нягледзячы на разборкі з «Напалі», Асімхен усё ж такі патрапіў у заяўку на гульню, але перад матчам па сацсетках разышлося відэа, дзе нігерыец ігнаруе сукаманднікаў – як казаў класік, знак бяды.
Але менавіта з такім негатыўным фота «Напалі» нарэшце прарвала – неапалітанцы аформілі першы разгром у сезоне, двойчы адзначыўшыся ўжо ў першым тайме. Пры чым другі гол забіў як раз такі Асімхен, і яго сэрца, здаецца, пацяплела: пры святкаванні ён абдымаўся з сукаманднікамі.
А яшчэ нарэшце прарвала Хвічу Кварацхелію – ён забіў трэці мяч «Напалі», здорава згуляўшы на перахопе і прыгожа перакінуўшы брамніка. Для грузінскага паўабаронцы гэта першы гол за 192 дні, апошнім разам ён адзначаўся ў сакавіку ў матчы з «Тарына» (4:0). Таксама ў сустрэчы з «Удынезэ» Хвіча адзначыўся асістам пры чацвёртым голе.
Госці здолелі забіць толькі адзін мяч, але які – проста паглядзіце, як у паўабаронцу Лазара Самарджыча ўсяліўся Ліянель Месі.
У выніку «Напалі» атрымаў перамогу 4:1 і падняўся на пяты радок Серыі А. Адставанне ад «Інтэра» і «Мілана», якія лідзіруюць у чэмпіянаце, складае чатыры пункты.
