Перформанс галоўнай суперніцы Сабаленкі - стварыла БЧБ на супольнай вячэры, апрануўшыся не як усё
Пратэстная Іга Швёнтэк.
З 29 кастрычніка па 6 лістапада ў мексіканскім Канкуне праходзіць WTA Finals па выніках якога мы даведаемся, хто скончыць сезон на першым радку рэйтынгу. Галоўныя саперніцы – дзейная першая ракетка Арына Сабаленка і Іга Швёнтэк, якая знаходзіцца на другім радку.
Напярэдадні турніру арганізатары правялі традыцыйную фотасесію з тытулам і ўрачыстую вячэру. Дакладна не вядома, ці быў заяўлены на імпрэзе дрэс-код, але толькі польская тэнісістка выбрала ярка-чырвоную сукенку з ружай. Тады як іншыя дзяўчыны выбралі адзенне ў белых адценнях. Атрымалася БЧБ раскладка. Магчыма, гэта было пасланне для Арыны Сабаленкі, якая падтрымала ў 2020-м рэжым Лукашэнкі.
Мяркуючы па ўсім, кантраст не бянтэжыў польскую тэнісістку і яна цешылася атмасферай вечара.
Першыя матчы турніру ў групе «Бакалар» ужо адбыліся. Сабаленка разграміла Сакары, а Рыбакіна прайграла Пегуле. Швёнтэк сустрэнецца з Вандроўшавай сёння ў 21.00 па мінскім часе.
