Сяргей Паліцевіч: «У Беларусі не найлепшая арганізацыя футбольнай справы. Назавіце мне любую іншую еўрапейскую краіну, у якой стан спраў у футболе горшы, чым у нас»
Абаронца мінскага «Дынама» Сяргей Паліцевіч паразважаў аб праблемах у беларускім футболе.
– Нам не трэба абмяркоўваць персону галоўнага трэнера. Ну ўсё, вось ён ёсць галоўны трэнер, для чаго мы будзем увесь час пра гэта казаць? Нам трэба больш глабальна [разумець], чаму так адбываецца. Пастаў зараз любога іншага трэнера, мы выйграем? Не.
Я не кажу, што калі мы зараз памяняем трэнера, то выйграем. Нам трэба абмяркоўваць і капаць глыбей. Ты не будзеш гуляць на Акадэміі навук, на гэтым стадыёне з "Энергетыкам-БДУ", дзе людзі побач ходзяць з сабакамі, а потым выходзіць, і ўсё крычаць: "А чаму вы не абгулялі швейцарцаў?"
Пачакайце! Мы гулялі, і за трыбунамі відаць, як чалавек стаіць, выглядае [з-за плота], а Швейцарыя гуляе на добрых стадыёнах, і там людзі растуць.
Я гуляў у Турцыі, і для мяне было лёгкім шокам, што я не ўбачыў каласальнай розніцы ў трэніроўках. Так, натуральна, усё хутчэй, але я проста сам праз тыдзень-два заўважыў, што я стаў нашмат лепшым, таму што ўся вось гэтая атмасфера, ты выходзіш на гульню… Я прыязджаў у зборную праз 2 месяцы і адчуваў сябе зусім па-іншаму. Хоць нічога моцна не памянялася, гэтак жа працаваў. Я рос як футбаліст.
– А сюды [у Беларусь] не хочацца ехаць?
– Гуляць на Акадэміі навук з «Энергетыкам-БДУ»? Ну, натуральна, не жадаецца. Не хочацца ехаць пасля тых стадыёнаў, калі ты іх не бачыў, не граў, дык так…
– У нас жа гэта даўно ёсць…
– Дык вось гэта і трэба падымаць са дна, казаць пра гэта, каб гэта мянялася, а не мяняць галоўнага трэнера. Ну, прыйдзе іншы галоўны трэнер... Я не гавару, што футбалісты дрэнныя. З гэтымі футбалістамі можна дабівацца іншага выніку. Гэта 100% так! Але трэба капаць глыбей. Глыбей аналізаваць сітуацыю. Трэба звяртацца да таго, што ў нас у краіне не найлепшая арганізацыя футбольнай справы. Вось назавіце мне любую іншую еўрапейскую краіну, у якой стан спраў у футболе горшы, чым у нас. Ва ўсім – у арганізацыі, у інфраструктуры, у тэлевізійнай карцінцы, нарэшце. Нават у Літве і Латвіі карцінка лепшая.
– Ну, там такая ж самая карцінка. Не трэба. І прайграюць Літва, Латвія таксама. А ў Босніі і Герцагавіне нешта прынцыпова адрознае ад нас ёсць?
– У Босніі ёсць адрозненне. Адрозненне ў пашпарце, – сказаў Паліцевіч.