Мікалай Вайцюхоўскі: «Дагэтуль лічу Чарнухіна добрым трэнерам»
Дырэктар «Віцебска» Мікалай Вайцюхоўскі падзяліўся меркаваннем аб старце каманды ў Д2. Пасля 9 матчаў каманда займае восьмае месца.
– Ці цяжка было захоўваць давер трэнерскаму штабу на фоне няўдалых вынікаў?
– Магчыма, у мяне і няправільная палітыка, але мы і ў Чарнухіна да апошняга верылі. І я да гэтага часу лічу яго добрым трэнерам, проста ў яго не склалася, а, магчыма, з майго боку не было своечасовай падтрымкі.
Так што і па Паўлаву сумневаў не было, тым больш што мы доўга думалі, каго ўзяць. Гледачы за ўсё не бачаць, а бачу працу, якая робіцца, і стаўленне да яе нашага галоўнага трэнера. Таму ніякіх сумневаў па Паўлаву ў мяне няма і не было.
– Як ацэніце турнірнае становішча «Віцебска» на дадзены момант?
– Зразумела, што разлічвалі на іншыя вынікі. Напэўна, недзе недаацанілі ўзровень лігі ці нашы маладыя футбалісты пераацанілі свае магчымасці. Таму што выходзіць пасля 70-й хвіліны замест Цеверава на свежых нагах – гэта адно, а гуляць з першых хвілін, быць лідарамі і браць на сябе адказнасць – гэта іншае.
Цяпер наступіў той перыяд, калі ўсё ўжо ўсвядомілі і сваю сілу, і супернікаў. Лёгка абгуляць тут нікога не атрымаецца, тым больш, што ў нас шмат маладых футбалістаў. Заўсёды будуць патрэбны характар і жаданне.
Хоць калі б з «Макслайнам» было больш шанцавання, бо колькі мы момантаў стварылі, то лiк мог быць зусім іншым. А так радуемся, што проста выйгралі, і спадзяемся, што шанцаванне аднойчы прыйдзе, – сказаў Вайцюхоўскі.
