Кандрацьеў не хацеў узначальваць зборную пасля Мархеля, але Кавальчук прыгразіў, што пры адмове трэнер не знойдзе працу ў футболе

Як стала вядома «Трыбуне», Георгій Кандрацьеў не хацеў вяртацца на пасаду галоўнага трэнера зборнай Беларусі пасля адстаўкі экс-трэнера каманды Міхаіла Мархеля ў 2021-м годзе. Ён таксама збіраўся пайсці. Але ў АБФФ былі настроеныя захаваць Кандрацьева.

Па аповядах крыніц «Трыбуны», у федэрацыі хацелі, каб камандай і далей кіраваў трэнер, які будзе выконваць каманды з Дома футбола. Куратар зборных Юры Вяргейчык звярнуўся з просьбай паўплываць на Кандрацьева да міністра спорту Лукашэнка Сяргея Кавальчука. Ён прапанаваў Кандрацьеву выбар: ці праца са зборнай, ці ў беларускім футболе знайсці іншае месца яму наўрад ці ўдасца.

Георгій Кандрацьеў: «Не думаў, што вярнуся ў зборную Беларусі. Быў пастаўлены перад выбарам. Пра ўсё не магу казаць»

Кандрацьеў кажа, што паўторна ўзначаліў зборную Беларусі, бо не меў выбару, але ж выбар быў – паміж пенсіяй і ганьбай, за якую вельмі добра плацяць. Вось у чым тут справа