Шакіра: «З прэсы даведалася, што Піке здрадзіў мне, пакуль бацька быў у рэанімацыі»

Калумбійская спявачка Шакіра расказала пра свайго бацьку, які быў у рэанімацыі, калі яна даведалася пра здраду Жэрара Піке.

«Мой бацька прыбыў у Барселону, каб суцешыць мяне, калі была ахоплена смуткам з-за расстання. Пасля першага прычасця Мілана (старэйшы сын Шакіры і Піке – заўв.) ён атрымаў сур'ёзныя траўмы ў аварыі.

Усё было ў кучы, сям'я развальвалася. З прэсы даведалася, што мне здрадзілі, пакуль бацька быў у рэанімацыі. Думала, што не перажыву ўсё гэта. Чалавек, якога любіла больш за ўсё ў жыцці, мой тата, быў больш за ўсё мне патрэбны, а я не магла пагаварыць або атрымаць параду ад свайго найлепшага сябра.

Яго аднаўленне было вельмі цяжкім і павольным, але ён выдатны чалавек і заўсёды быў добры з усімі, здзіўляў сваёй сілай.

Ён пераадолеў ковід, дзве аварыі, пнеўманію, пяць аперацый… Усё гэта ў 91 год і менш чым за шэсць месяцаў. Мой бацька – самы вялікі прыклад стойкасці, а мама суправаджае яго дзень і ноч. Яны абодва гэта адлюстраванне той мары, якую я не змагла здзейсніць – доўгатэрміновага шлюбу. Але спадзяюся, што для маіх дзяцей гэта будзе ўзор кахання, цярпення, поўнай аддачы і жадання жыць.

Музыка выратавала маё жыццё і дала сілы вярнуцца. Яна дазволіла мне быць сабой, яна выбаўляла мяне ў самыя цяжкія моманты. Калі не пазнавала сябе, музыка была маім люстэркам», – распавяла Шакіра People en Español.

Шакіра і Піке расталіся ў чэрвені 2022 года.