Жукоўскі і Курганскі будуць выступаць за «Макслайн» (sport5.by)

Паўабаронца і брамнік «Нёмана» Валерый Жукоўскі і Сяргей Курганскі пакінулі каманду.

Паводле інфармацыі sport5.by, хаўбек і галкіпер прадоўжаць кар'еру ў «Макслайне».

Адзначым, Жукоўскі і Курганскі ўваходзяць у «чорны спіс» «мінспорту».

Нагадаем, у снежні 2022-га «Трыбуна» паведамляла пра стварэнне «чорнага спісу» так званага Мінспорту як мінімум з 48 прозвішчаў, у асноўным з удзельнікаў відэа супраць гвалту ў верасні 2020-га. З фігурантамі спісу клубам у рэжымнай Беларусі было забаронена заключаць кантракты.

Пазней стала вядома, што «Мінспорту» робіць выбарачныя выключэнні з пераліку, на што могуць паўплываць прашэнні кіраўнікоў клубаў і ўдзел у рэжымных мерапрыемствах, аднак некаторым гульцам не дапамагае і гэта.