«Вольфсбург» падпісаў галкіпера «Капенгагена» Грабару за 13,5 млн еўра, ён далучыцца да каманды летам 2024-га

Брамнік Каміль Грабара перайшоў з «Капенгагена» ў «Вольфсбург».

Кантракт Грабары з нямецкім клубам будзе дзейнічаць з чэрвеня 2024 года, але «Вольфсбург» мае права ўжо зімой падпісаць 24-гадовага паляка. Сума трансферу склала 13, 5 мільёна еўра.

20% ад сумы трансферу атрымае папярэдні клуб Грабары «Ліверпуль». На працягу кар'еры Грабара таксама выступаў за «Орхус» і «Хадэрсфілд».

У гэтым сезоне Грабара згуляў 12 матчаў. Ён прапусціў 14 галоў і 5 разоў пакінуў свае вароты ў недатыкальнасці.