PGMOL і АПЛ абавязаліся публікаваць аўдыя перамоваў суддзяў і VAR да канца сезона

У АПЛ будуць публікаваць аўдыё перамоваў суддзяў і VAR да канца сезона, каб забяспечыць большую празрыстасць прыняцця рашэнняў, паведамляе Daily Mail.

Прэм'ер-ліга і адказны за судзейства орган PGMOL пайшлі на такі крок пасля памылак арбітраў VAR у матчы «Ліверпуль» – «Тотэнхэм» (1:2), калі быў адменены чысты гол Луіса Дыяса.

Таксама пасля гульні незалежная камісія АПЛ прызнала другую жоўтую Дыёгу Жоты памылковай, але не адмяніла дыскваліфікацыю нападаючага.

Аўдыёзапісы перамоваў суддзяў будуць зʼяўляцца ў рэгулярнай тэлеперадачы, якая будзе транслявацца як у Вялікабрытаніі, так і ва ўсім свеце. Адзін эпізод ужо быў паказаны ў мінулым месяцы.

У студыі кіраўнік PGMOL Говард Уэб разам з Майклам Оўэнам будуць абмяркоўваць ключавыя судзейскія рашэнні ў апошніх гульнях. Наступны эпізод перадачы павінен выйсці 10 кастрычніка.