77 тысяч чалавек на фінале жаночага Кубка Англіі! Гэта рэкорд унутраных турніраў, узнагароджваў прынц Уільям
На такiя матчы ніколі не прыходзіла болей.
Жаночы футбол у некаторых краiнах набывае ўсё большую папулярнасць. Прынамсі, пра гэта сведчаць абнаўленні рэкордаў наведвальнасці.
У нядзелю ў Англіі прайшоў фінал Кубка. На «Уэмблі» сышліся дзве наймацнейшыя каманды краіны – дзейны чэмпіён і ўладальнік трафея «Чэлсі» сустрэўся з лідарам бягучага першынства «Манчэстэр Юнайтэд», які трафеяў пакуль не выйграў наогул.
Лёс супрацьстаяння вырашыў адзіны гол лідаркі атакі «сініх» Саманты Кер на 68-й хвіліне. Так лонданцы пакінулі кубак у сябе – ужо трэці розыгрыш запар.
Сведкамi чарговага трыумфу стала рэкордная колькасць наведвальнікаў матча жаночых каманд ва ўнутраных спаборніцтвах у свеце. Гульню на «Уэмблі» паглядзела 77390 гледачоў (умяшчае стадыён 90 000).
Адным з тых наведвальнікаў, хто далучыўся да рэкорднага паказчыка, стаў прынц Уільям, які прыняў удзел у каляматчавых цырымоніях і ўзнагароджанні пераможцаў.
«Пабіццё рэкорду наведвальнасці – гэта магутная заява і выдатны паказчык таго, куды ідзе жаночы футбол у гэтай краіне, як ён усё больш квітнее. Мы ўжо прайшлі немалы шлях, але наперадзе яшчэ больш», – пракаментавала падзею дырэктарка па развіцці жаночага футбола ў Футбольнай асацыяцыі Англіі Сью Кэмпбэл.
Паказчык на «Уэмблі» пабіў дасягненне «Ванда Метрапалітана» чатырохгадовай даўніны. Тады матч жаночай Ла Лігі паміж «Атлетыка» і «Барселонай» наведалі 60739 гледачоў.
Датычная жаночая каманда «Барселоны» і да абсалютнага рэкорду наведвальнасці ў жаночым футболе. У мінулым сезоне яе дамашні паўфінал Лігі чэмпіёнаў супраць «Вольфсбурга» на «Камп Ноу» прыйшло 91648 гледачоў – пакуль жаночы рэкорд на ўсіх узроўнях.
Фота: IMAGO/Alexander Canillas/SPP, IMAGO/Gary Oakley, Global Look Press/Manjit Narotra, DAZN Football, UEFA Women’s Champions League