Трэнер «Брэста» Пушкоў: «Матч з «Юнацтвам» глядзеўся выдатна, момантаў хапала ў абодвух каманд»
Галоўны трэнер «Брэста» Сяргей Пушкоў падзяліўся думкамі пасля перамогі над «Юнацтвам» (2:1 Б) у матчы Экстралігі.
– Атрымаўся шчыльны матч, з багаццем момантаў і добрымі хуткасцямі ў абодвух каманд. Можна папракнуць на пакуль не вельмі добрую гульню ў большасці: у нас было некалькі момантаў, але не вельмі добра мы ў іх выглядалі. Але ў меншасці хлопцы выдатна згулялі, стрымана, лавілі шайбу на сябе, з гэтага пункта гледжання выдатна глядзеўся матч. Я думаю, што тэхнічныя моманты сёння падводзілі абедзве каманды, рэалізацыя момантаў. Іх хапала ў адных і ў іншых.
– Далі суперніку шанец у авертайме ў большасці, як так выйшла?
– Як сказаць: выдатна абыграў, спіной паехаў, але засталася нага, таму законныя дзве хвіліны. Але хлопцы выдатна адбараняліся.
– Выстаяўшы 3 на 5 і выйграўшы па булітах, атрымалі псіхалагічную перавагу?
– Перамогі заўсёды даюць упэўненасць камандзе. Калі ідуць перамогі, то нашмат прасцей рыхтавацца да наступных матчаў і паляпшаць сваю гульню.
– Зараз вам трэба гуляць ужо ў фармаце спараных гульняў, як да гэтага ставіцеся?
– Ёсць магчымасць падрыхтавацца да другой гульні, ёсць дзень адпачынку, не гуляеш два запар, ёсць час аднавіцца, выправіць памылкі, – сказаў Пушкоў.
