Юры Чух: «Некаторыя гульцы «Ліды» пакуль не зразумелі, што плэй-ін – гэта матчы іншага ўзроўню»
Галоўны трэнер «Ліды» Юрый Чух падвёў вынікі першага матча плэй-ін «Экстралігі» супраць «Брэста» (2:4).
– Мы дапусцілі больш памылак, чым супернік. Некаторыя нашыя гульцы пакуль не зразумелі, што гэта матчы іншага ўзроўню. У такіх гульнях трэба выкладацца на 200 адсоткаў. Адзначалі гэта ў распранальні падчас перапынкаў.
Вядома, ключавым момантам у гэтай гульні стаў буліт. Да буліта мы поўнасцю кантралявалі другі перыяд, добра гулялі, але потым усё зламалася. Зробім працу над памылкамі і будзем рыхтавацца да наступнага матча.
– Шэрагу гульцоў не хапіла адказнасці?
– Не, для некаторых гульні такой важнасці ўпершыню ў кар'еры, было хваляванне, можа, хтосьці перагарэў.
– Брастаўчане выйгралі за кошт вопыту?
– Можна і так сказаць, яны трывалі, чакалі нашых памылак.
– Лік на табло адлюстроўвае тое, што было на лёдзе?
– Я думаю, была абсалютна роўная гульня. Дома будзем старацца перамагчы, усё ў нашых руках, – сказаў Чух.