Волкаў пра выбар паміж АГ і Гульнямі сяброўства ў Расіі: «Я б абраў тое, што мне сказалі б»
19-гадовы ўраджэнец Расіі Мацвей Волкаў, які з 2020 года выступае за зборную Беларусі, у блогу «Беларусь мая» расказаў, якім спаборніцтвам аддасць перавагу летам.
– Калі б перад вамі паставілі выбар – Алімпіяда ў нейтральным статусе або Гульні дружбы – куды б вы паехалі?
– Я б абраў тое, што мне сказалі б. Што важней, туды б і паехаў. Але пакуль такога выбару перад намі не стаіць, такога ніхто не гаворыць. Алімпіяда для лёгкаатлетаў з Беларусі і Расіі не прадбачыцца. World Athletics не мае намеру пускаць спартсменаў з Расіі і Беларусі на Гульні нават у нейтральным статусе.
Наогул жа, у нас у лёгкай атлетыцы самая палітызаваная федэрацыя. А яе старшыня Себасцьян Коу – яркі прадстаўнік англасаксонскіх таварыстваў, люта ненавідзіць усіх рускіх. Ён адзін з самых цвёрдых русафобаў на спартовай пляцоўцы. І ён сказаў, што ні пад якiм соўсам спартсмены з Расіі і Беларусі не будуць дапушчаныя на Алімпіяду. Таму я і сказаў, што трэба стварыць асобную федэрацыю скачкоў з тычкай. Гэта нашмат спросціць усю сітуацыю. А тое, што зараз робіць World Athletics, гэта абсалютная дурасць з камерцыйнага пункта гледжання. Коу і астатнія з ім самі сабе рыюць магілу. Аб лёгкай атлетыцы зараз гавораць вельмі мала, а ў World Athletics робяць усё, каб пра яе казалі яшчэ менш.
Шчыра, я ўпэўнены, што ўжо нічога не памяняецца, лёгкаатлеты з Беларусі і Расіі не будуць на Алімпіядзе, нават у нейтральным статуце. Ці страціў надзею я? Не. Проста рыхтуюся да летняга сезона, а ўлетку ўсё абяцае быць на добрым узроўні. Будуць камерцыйныя спаборніцтвы ў Цверы, Гульні БРІКС, мемарыял Ігнацьева ў Чэбаксарах і ў канцы чэрвеня чэмпіянат Беларусі на стадыёне «Дынама». У жніўні будзе чэмпіянат Расіі, а ў верасні – Гульні дружбы, – сказаў Волкаў.