Антон Смольскі: «НАК супраць таго, каб мы выступалі без гімна і сцяга, але Лукашэнка сказаў, што калі мы паедзем без, то дзяржава нас падтрымае»

Беларускі біятланіст Антон Смольскі распавёў пра сваю пазіцыю наконт магчымага допуску беларускіх спартсменаў да міжнародных спаборніцтваў пад нейтральным сцягам.

– Як у Беларусі паставіліся да ўмоў па допуску ад МАК?

– На носе летнія Алімпійскія гульні, вядома, з кожным днём абстаноўка будзе нагнятацца ўсё мацней. Беларускі алімпійскі камітэт супраць таго, каб мы выступалі без гімна і сцяга, але Аляксандр Лукашэнка сказаў, што ў крайнім выпадку, калі мы паедзем без [дзяржаўнай] атрыбутыкі, то дзяржава нас падтрымае.

– Ці важна для вас выступаць з [дзяржаўным] гімнам і сцягам?

– Так, прынцыпова, але калі выбару не будзе, то ўсё роўна будзем абараняць гонар краіны, – сказаў Смольскі.

Нагадаем, што многія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага 2022 года працягваецца Расiяй ва Украіне з выкарыстаннем тэрыторыі Беларусі.

25 студзеня МАК дапусціў магчымасць зняцця адхілення на строгіх умовах, сярод якіх удзел у спаборніцтвах толькі ў нейтральным статусе і адсутнасць у біяграфіі «актыўнай падтрымкі» вайны ва Украіне.