Цыкл скончыўся. Першы і, напэўна, апошні турніры Раналду ў зборнай склаліся аднолькава – параза аўтсайдэру, слёзы, адчай
І гулялі амаль ідэнтычна.
Зборная Партугаліі сенсацыйна прайграла Марока у чвэрцьфінале ЧС-2022 – 0:1. Пасля матча пакуль яшчэ галоўная зорка каманды Крышціяну Раналду шмат плакаў, але гэта ўжо не змяніла б рэзультату.
Так ужо адбывалася – у 2004-м. Тады ў фінале дамашняга Еўра Партугалія не менш сенсацыйна прайграла Грецыі – і матчы склаліся амаль ідэнтычным чынам.
Усё вырашыла памылка брамніка
2004 год. Грэцыя падавала свой першы вуглавы ў матчы, мяч паляцеў на галаву Ангеласа Харысцеаса, тады як брамнік Партугаліі Рыкарду да мяча не дацягнуўся.
2022 год. Мараканец Юсеф Эн-Несіры галавой закрыў падачу Ях'і Аціят-алы. Дыёгу Кошта кінуўся на мяч, чым спрасціў задачу для Эн-Несіры – таму трэба было проста пераскочыць руку.
Па статыстыцы Партугалія мела поўную перавагу
2004 год. Грэцыя амаль увесь час правяла ў абароне, а гол Харысцеаса так і застаўся адзіным ударам каманды ў сектар брамы Рыкарду (хаця каманда мела яшчэ адзін забойны момант).
Валоданне мячом: 58% Партугалія, 42% Грэцыя
Удары: 17:4
Удары ў створ: 5:1
2022 год. Партугалія выглядала як Іспанія ў валоданні мячом, мела некалькі момантаў, каб забіць, але так і не змагла гэтага зрабіць.
Валоданне мячом: 73% Партугалія, 27% Марока
Удары: 11:9
Удары ў створ: 3:3
Абодва матчы адзначыліся даволі прымітыўнымі наваламі і закідамі з боку Партугаліі – быццам бы створанымі дзеля таго, каб паспяхова іх адбіваць.
Абодва матчы скончыліся слязьмі Раналду
2004 год. Першы дарослы турнір Крышціяну – пачынаў з двух матчаў у запасе, але да фіналу захаваў за сабою месца ў аснове.
2022 год. Напэўна, апошні буйны турнір Раналду – у плэй-оф ён ужо ператварыўся ў гульца запасу. Ды і ўзрост, 37 гадоў, ужо намякае на неабходнасць заканчваць.
Фота: Bleacher Report, iF2is, скрыншоты трансляцыі
