Жаржыньё хоча вярнуцца ў «Напалі», але клуб не зможа плаціць на ўзроўні з «Чэлсі»
Паўабаронца «Чэлсі» Жаржыньё летам можа пакінуць клуб у статусе вольнага агента, бо паміж бакамі дагэтуль не дасягнута дамоўленасць пра падаўжэнне дзеючага кантракта, які сканчаецца пад канец гэтага сезона. Пра гэта інфармуе італьянская газета «La Repubblica».
Паведамляецца, што Жаржыньё мае жаданне летам перайсці ў статусе вольнага агента ў «Напалі» – клуб, за які ён раней выступаў з 2014 па 2018 гады.
Перашкодай для вяртання 31-гадовага італьянскага паўабаронцы можа стаць няздольнасць неапалітанцаў плаціць гэтак жа, як Жаржыньё атрымлівае ў «Чэлсі» (6 млн еўра ў год).
Для таго, каб пераход адбыўся, гулец павінен пагадзіцца на зніжэнне зарплаты амаль у два разы.
Раней таксама паведамлялася, што акрамя «Напалі», Жаржыньё цікавяцца «Барселона» і «Ньюкасл».
