38-гадовы футбаліст «Нёмана» Жукоўскі: «Сіл хапае, хочацца пагуляць яшчэ. Магчыма, крыху буду і трэніраваць»
38-гадовы беларускі паўабаронца гродзенскага «Нёмана» Валерый Жукоўскі пракаментаваў сваю гульню за «Нёман», а таксама будучую кар'еру.
«Самы хуткі на поле – гэта мяч. За кошт таго, што можна выконваць яшчэ, сіл хапае, я думаю, што ўсё нармальна. Люблю вельмі моцна футбол, хочацца пагуляць яшчэ. У дадзеным выпадку паглядзім, як гэта будзе выглядаць, магчыма, ужо ледзь-ледзь буду і трэніраваць. Яшчэ вырашыцца вось тыдзень-два і ўсё будзе вядома, як гэта будзе выглядаць», – сказаў Жукоўскі.
Таксама ўзровень футбаліста пракаментаваў галоўны трэнер гродзенскай каманды Ігар Кавалевіч.
«Вы глядзелі сённяшнюю гульню? Вось што такое ўзровень гульца. Валера ў двух матчах, і ў сённяшнім, і ў гульні з «Мінскам» – найлепшы. Таму яго майстэрства яшчэ дазваляе на тым узроўні, які ёсць яшчэ, паказваць добры, дыхтоўны футбол», – сказаў Кавалевіч.
