Трэнер «Тарпеда» Талалаеў пра траўму Юзапчука: «Чаму суддзі не падказалі паглядзець VAR – незразумела. Там і картка да аранжавай бліжэй, і парушэнне злоснае: прамымі шыпамі ў галенастоп»

Галоўны трэнер маскоўскага «Тарпеда» Андрэй Талалаеў пасля паражэння ад «Урала» (0:1) у матчы РПЛ адрэагаваў на траўму беларускага абаронцы Рамана Юзапчука.

– Па судзействе ёсць прэтэнзіі. Стопрацэнтны пенальці не прызначылі, калі чалавек разварочваецца і гуляе локцем.

У першым тайме ў нас Юзапчука панеслі з поля, зараз павязуць гульца здымак рабіць. Чаму калегі галоўнаму суддзі не падказалі паглядзець VAR – незразумела. Там і картка да аранжавай бліжэй, і парушэнне злоснае ў саперніка: прамымі шыпамі ў галенастоп.

Па пенальці сумневаў няма, нам чыталі перад сезонам лекцыі. Казалі, калі чалавек локцем гуляе – пенальці. Сёння, відаць, іншае меркаванне. Хацелася б, каб правілы былі аднолькавымі, – сказаў Талалаеў.