Абвешчаны персонай нон-грата Гомза пакінуў «Паперпрам»
Прэс-служба «Паперпрам» паведаміла пра тое, што нападаючы Дзмітрый Гомза пакінуў клуб. Нагадаем, што 11 траўня стала вядома, што 36-гадовы форвард быў аб'яўлены АБФФ персонай нон-грата і павінен выплаціць штраф у памеры 37 тысяч беларускіх рублёў (больш за 13 тысяч долараў).
Гомза далучыўся да «Паперпрама» ў міжсезонне, правёў 6 афіцыйных матчаў і забіў 1 гол.
Нагадаем, КДК АБФФ разгледзеў інфармацыю, што ў ЧБ-2022 кіраўніцтва «Шахцёра» арганізавала дагаворныя матчы і фінансава стымулявала клубы вышэйшай лігі. У выніку «Шахцёр» быў пазбаўлены залатых медалёў, «Энергетык-БДУ» – сярэбраных. У гэтых клубаў і «Белшыны» таксама знялі ачкі на сезоны 2023 і 2024 гадоў. 30 чалавек атрымалі розныя дыскваліфікацыі і штрафы, але 25 з іх не будуць забаненыя, калі выплацяць прызначаныя сумы. Падрабязней пра справу «Шахцёра» можна даведацца па спасылцы ніжэй.
