Дэмбеле адхіліў прапанову «Барселоны» аб падаўжэнні кантракту. Яго агенты патрабуюць дадаць да заробку 6-7 млн еўра

Вінгера «Барселоны» Усмана Дэмбеле не задаволіла прапанова клуба аб падаўжэнні кантракту да 2027 года, паведамляе каталонскае выданне RAC1.

Па дадзеных крыніцы, прадстаўнікі гульца патрабуюць павялічыць яго бягучую зарплату на 6-7 млн еўра, а таксама прапісаць у пагадненні магчымыя бонусы.

Кіраўніцтва «блаугранас» лічыць такія ўмовы непрымальнымі, паколькі занадта высокі заробак француза можа прывесці да незахавання адобранага Ла Лігай фінансавага плана клуба.

У мінулым сезоне Дэмбеле забіў 8 галоў і аддаў 9 дзейсных перадач у 35 матчах за «Барселону».

Раней паведамлялася, што 26-гадовы футбаліст пагадзіўся перайсці ў «ПСЖ».