CБУ аб'явіла падазрэнне прэзідэнту ЦСКА Гінеру ў забеспячэнні патронамі арміі РФ

СБУ абвінавачвае прэзідэнта маскоўскага ЦСКА Яўгена Гінера ў датычнасці да фінансавання расійскай агрэсіі супраць Украіны, у тым ліку ў пастаўках патронаў войска РФ.

«Служба бяспекі сумесна з ДБР сабрала доказную базу на падсанкцыйнага расійскага алігарха, прэзідэнта футбольнага клуба ЦСКА Яўгена Гінера, які датычны да фінансавання ўзброенай агрэсіі РФ.

Фігурант уваходзіць у блізкае атачэнне вышэйшага ваенна-палітычнага кіраўніцтва Расіі і непасрэдна садзейнічае Крамлю ў вядзенні вайны супраць Украіны.

Па дадзеных следства, пасля 24 лютага 2022 г. Гінер як уладальнік расійскага «АТ «КБАЛ ім. Кошкіна» даў указанне менеджменту кампаніі забяспечыць бесперабойную пастаўку патронаў для акупантаў.

Такім чынам, гэтае прадпрыемства-манапаліст пастаўляе значную колькасць боепрыпасаў для розных відаў стралковай зброі, якія расійскія захопнікі атрымалі з пачатку поўнамаштабнага ўварвання РФ.

Таксама фігурант праз падкантрольных ва Украіне асоб з'яўляецца адным з бенефіцыяраў групы кампаній VS Energy International Ukraine, у якую ўваходзяць Кіраваградаблэнерга, Роўнааблэнерга, Чарнаўцыоблэнерга, Жытоміраблэнерга, Херсонаблэнерга і ЭК Севастопальэнерга.

Акрамя таго, выкарыстоўваючы афіляваныя камерцыйныя структуры, Гінер валодае шэрагам гасцініц, металургічных заводаў, гандлёвых цэнтраў на тэрыторыі нашай дзяржавы.

У цяперашні час Вышэйшы антыкарупцыйны суд разглядае пазоў Міністэрства юстыцыі аб канфіскацыі адпаведных расійскіх актываў у даход Украіны.

Тым самым ён стварыў штучную энергазалежнасць украінскага паўвострава ад краіны-агрэсара. На падставе сабраных доказаў расійскаму алігарху даложана аб падазрэнні па ч. 5 арт. 27, ч. 3 арт. 110 Крымінальнага кодэкса Украіны (дапамога ў замаху на тэрытарыяльную цэласнасць і недатыкальнасць Украіны).

Санкцыя артыкулаў прадугледжвае пажыццёвае пазбаўленне волі з канфіскацыяй маёмасці», - гаворыцца ў паведамленні СБУ.

63-гадовы Яўген Гінер нарадзіўся ў Харкаве. З 2001 г. ён з'яўляецца прэзідэнтам ЦСКА.

Нагадаем, з 24 лютага 2022 году Расія працягвае вайну ва Украіне з выкарыстаннем тэрыторыі Беларусі.