«Барселона» прадставіла трэці камплект формы, ён натхнёны ДНК клуба

«Барселона» прадставіла трэцюю форму на сезон 2023/24.

Футболкі выканалі ў колеры марской хвалі. Каталонцы паведамілі, што дызайн натхнёны ДНК клуба. Форму стварыла кампанія Nike, з якой «Барселона» мае кантракт з 1998 года.

«Дызайн падкрэслівае ўсё, што прадстаўляе «Барса» - гісторыю, стыль гульні і маладыя таленты, якія сфармаваліся ў Ла Масіі, чыё падарожжа можа натхніць усіх. Гэтую форму будуць насіць гульцы з акадэміі, а таксама прадстаўнікі «Барселоны» ў баскетболе, гандболе, футзале і хакеі на роліках.

Новая рэвалюцыйная канцэпцыя выканана ў флуарэсцэнтным колеры, які адлюстроўвае дух і энергію маладых спартсменаў клуба. Ён таксама ўключае ў сябе поўнае фонавае перапляценне сіне-гранатавых уставак, якія нагадваюць аб ДНК «Барселоны», - гаворыцца ў рэлізе клуба.

«Барселона» ўпершыню згуляе ў трэцім камплекце 3 верасня супраць «Асасуны».

фота: «Барселона»