Трэнер «Міёр» Чарняўскі аб дыскваліфікацыі Рудзіка: «Філ няправы, але ніякіх пагроз не было, тым больш у адрас рэзервовага»

– Да моманту з Рудзікам быў грубы фол супраць Кручанюка ў перспектыўным нападзе, але рэферы нават вусна не папярэдзіў суперніка. Праз хвілін 5 груба збілі Барысава на нашай палове, аднак суддзя нават не свіснуў.

Рудзік быў побач і выказаўся. Суддзя спыніў наш напад і паказаў яму жоўтую. Потым, вядома, Філ няправы, ён яшчэ раз выказаўся, але ўжо праз мацюк, завошта атрымаў чырвоную, пакінуў поле і пайшоў у распранальню. Гэта ўсё бачна на відэа. Ніякіх пагроз не было, тым больш у адрас рэзервовага!

Я яму раніцай патэлефанаваў і спытаў. Ён пра пагрозы першы раз чуў. Не было таксама пагроз сапернікам, гледачам і тым больш сваім ігракам. Гэта абсурд нейкі! Далей у гульні рэферы паплыў.

Прымаў рашэнні, як яму хацелася. Пасля гульні мы з трэнерам спыталі ў суддзі, як нам напісаць пратэст, бо матч быў у запісе і ўсё будзе бачна. Рэферы нам нічога толкам не растлумачыў. Але бакавы і рэзервовы арбітры сказалі, што спачатку трэба аплаціць 30 базавых і на працягу пары дзён падаць пратэст.

Натуральна, 30 базавых для нас гроша вялікія, мы аматарскі клуб, самі разумеем, што гэта цэлая працэдура, на што ў нас няма ні грошай, ні чакай. Таму нічога не рабілі. А раніцай я ўбачыў, што суддзя напісаў у пратаколе і апынуўся ў ступары. Сапраўдны шок, – сказаў Чарняўскі.