Віктар Ганчарэнка: «Па момантах «Урал» заслугоўваў перамогі над «Лакаматывам»
Беларускі галоўны трэнер «Урала» Віктар Ганчарэнка пракаментаваў нічыйны вынік матчу з маскоўскім «Лакаматывам» (2:2).
«У канцоўцы мне спадабалася стаўленне заўзятараў і каманды, Усе вельмі засмучаныя, неабыякавыя. У гэтым розніца сённяшняй нічыі з «Лакаматывам» і леташняй з такім жа лікам. Столькі выхадаў адзін на адзін не забілі і два пенальці... магчыма, таму мы так і засмучаныя.
Мы не кантралявалі першыя 10 хвілін матчу і канцоўку, калі ўжо не было ў нас ніякай арганізацыі ў абароне. Проста панічна адбіваліся, на жаль. А ў «Лакаматыва» ёсць якасныя гульцы, якія ўмеюць добра падаваць. Той жа Дзюба ўмее скідаць.
Псіхалогія і ўзровень напружання не дазволілі нам выходзіць у атаку і прытрымаць мяч дзесьці. І вельмі частая праблема ў нас у тым, што вельмі часта аддаем мяч суперніку ў простых сітуацыях. На жаль, пакуль так і ёсць. Тут пакуль не можам змяніць сітуацыю. Хоць калі б лік стаў 3:1, то мы б напэўна гулялі больш разняволена. Напэўна, па момантах мы заслугоўвалі сёння перамогі ўсё ж такі. Хоць і штанга была, і Памазун добра сыграў, уручыў. Але гулялі мы ўсё ж вастрэй, было дастаткова ўваходаў у штрафную, дзе мы не змаглі лепш мячом распарадзіцца», – сказаў Ганчарэнка.
