Хары Кейн: «Я правёў 9 ці 10 гадоў на самым высокім узроўні, і спадзяюся правесці яшчэ 8 ці 9»
Нападаючы зборнай Англіі Хары Кейн расказаў, ці плануе ён згуляць за нацыянальную каманду на дамашнім Еўра, які адбудзецца ў 2028 годзе.
«Спадзяюся на гэта. Да гэтага яшчэ некалькі гадоў, але я гулец, які на дадзены момант адчувае сябе так добра, як ніколі раней. І так, мне хацелася б думаць, што мая кар’ера працягнецца прынамсі да 40 гадоў.
У футболе шмат што можа хутка змяніцца, але на дадзены момант я адчуваю сябе вельмі добра.
У спорце і футболе ў цэлым існуе меркаванне, што калі табе спаўняецца 30 гадоў, то гэта канец. Але я гляджу на гэта так, што амаль наступіла другая палова маёй кар’еры.
Я пачаў гуляць за першую каманду «Тотэнхэма» недзе з 20 ці 21 года, гэта значыць я правёў 9 ці 10 гадоў на самым высокім узроўні, і спадзяюся правесці яшчэ 8 ці 9», – сказаў 30-гадовы Кейн.
