Экс-абаронца «Тарпеда-БелАЗ» Астахаў: «Гэта клуб з разадзьмутым бюджэтам, адкуль усе тыраць грошы. Але гульцам даходзіць усё да капейкі»

Абаронца «Левага берага» з украінскага Д2 Эрнэст Астахаў распавёў пра этап кар'еры ў «Тарпеда-БелАЗ».

– Я гуляў у другой лізе за «Крэмень», калі пачалася пандэмія каранавіруса. Сяджу дома, разумею, што заробак не плацяць і ўзнікае пытанне, што рабіць. А калісьці мне тэлефанавалі з каманды «Тарпеда-БелАЗ» і прапаноўвалі прыехаць на прагляд. Тады я адмовіўся, бо меў кантракт з «Крэменем».

А калі пачаўся лакдаўн, то сам набраў трэнера і пытаю, ці патрэбны ім футбаліст. Ён сказаў, што ў іх ужо ёсць тры правыя абаронцы. Перамовы працягваліся каля двух тыдняў. Разумеў, што гэта мой шанец гуляць у футбол, калі ён на паўзе. Трэнеру я спадабаўся, і ён сказаў, каб я прыехаў. Бацька прывёз мяне машынай у Беларусь, бо тады ніякіх транспартных зносін не было.

«Тарпеда-БелАЗ» – гэта каманда з разадзьмутым бюджэтам, і ўсе каму не лянота тыраць адтуль грошы. Але да футбалістаў даходзіць усё да капейкі. Правёў там 2,5 гады, і ўвесь гэты час я ведаў дату і нават час, калі атрымаю заробак. Там усё было так афіцыйна, што мяне гэта нават пужала.

Першыя паўгода трэніраваўся з першай камандай і гуляў за дубль. Тады канкурэнт за месца ў складзе разарваў кантракт, пакінуў клуб – і я заняў яго месца. Там мне спадабалася. Тады чэмпіянат быў добрага ўзроўню, а ў нас была моцная каманда.

Адзін сезон у нас быў вельмі паспяховым – фінішавалі трэцімі і патрапілі ў Лігу Канферэнцый. А калі гулялі ў еўракубку, то не справіліся з нагрузкамі, правалілі год і сталі сёмымі, – распавёў Астахаў

У сезоне-2021 ЧБ украінец згуляў у асноўнай камандзе «Тарпеда-БелАЗ» 13 матчаў і не вызначыўся рэзультатыўнымі дзеяннямі.