Усевалад Садоўскі: «Гэты сезон найлепшы ў маёй кар'еры»
Беларускі нападнік «Ардабасы» Усевалад Садоўскі пракаментаваў чэмпіёнства, заваяванае з казахстанскім калектывам.
– Эмоцыі ўжо сышлі, у галаве радасць толькі, шчасце. Прыемныя пачуцці ад выкананага доўгу. Рады, што нам удалося выканаць задачу.
– Здавалася, што пасля рахунку 2:0 усе пачалі думаць пра чэмпіёнства…
– З боку цяжка судзіць, не цалкам адчуваеш, што адбываецца ўнутры, у галовах у хлопцаў. Для мяне, вядома, было прасцей, ніякага хвалявання. Пасля 2:0 я ўжо чакаў канцоўкі матчу і быў У прадчуванні.
– Сезон для вас пачаўся ярка, затым здарылася траўма. Калі чакаць вашага вяртання?
– Яшчэ пакуль не зраслося. Праз месяц зробяць паўторны здымак. Калі зрасцецца, можна прыступаць да рэабілітацыі.
– Ці можна сказаць, што гэты сезон – самы яркі ў вашай карʼеры?
– Сто адсоткаў, гэты сезон найлепшы ў маёй карʼеры. Хоць у мінулым сезоне таксама было добра. Калі ніхто ў нас не верыў, а мы ўзялі і выйгралі Кубак. А ў гэтым годзе мы з самага пачатку ведалі, да чаго мы ідзем. У нас была мэта, і яна была дасягнутая.
– Каму прысвячаеце гэтую перамогу?
– Прысвячаю нашым заўзятарам, гэтаму гораду. Шымкент ніколі не меў каманду, якая была чэмпіёнам. І мы зрабілі гэта. Таму прысвячаю заўзятарам, і ўсім, хто за нас перажываў, – сказаў Садоўскі.
Нагадаем, што Садоўскі выступае за «Ардабасы» з сакавіка 2022 года.
