Арзамасцаў пра камісію АБФФ: «Паказвалі планы па падрыхтоўцы да чэмпіянату Савецкага Саюза... Ой, Беларусі. Ёсць трэнеры слабаватыя»
86-гадовы заслужаны трэнер БССР Веніямін Арзамасцаў распавёў пра сваю працу ў камісіі АБФФ.
– Была створана камісія, каб заслухаць трэнераў вышэйшай лігі пра тое, як яны праводзяць падрыхтоўку да сезона, таму што гэта найважнейшы час у працы трэнера. На жаль, як заўсёды, мы спазняемся – гэта ўжо быў студзень, каманды пачалі трэніравацца і г. д. Па ідэі, трэба было сабраць да таго, як яны прыступілі да сваёй працы, у першых чыслах студзеня, каб кожны трэнер прыйшоў, паказаў свой план правядзення навучальна-трэніровачнага працэсу па падрыхтоўцы да чэмпіянату Савецкага Саюза…
– Беларусi.
– Ой, ну так, Беларусі. Таму што гэта найважнейшы ўчастак у працы трэнера.
Калі прыходзяць, адразу бачныя вялікія пытанні па планаванні і па іншых пытаннях. Адназначна, што ёсць трэнеры такія слабаватыя. Нават я здзіўляюся часам, як трэнер працуе галоўным трэнерам вышэйшай лігі. Бывае, што на элементарныя пытанні мне не адкажа. Недасведчана плануе свае тыднёвыя мікрацыклы з днямі адпачынку. Змест, калі трэніроўкі, па якой накіраванасці, па нагрузцы праводзіць і г. д. – «плавае», не ведае. А хаця нос трымае высока: «Вось, маўляў, гэта, вось дык там, цяпер па-новаму [працуюць]». Вось у Еўропе яны глядзяць, як там каманды трэніруюцца.
Вось для гэтага [камісію] і правялі, каб іх прымусіць трошкі заняцца, можа быць, і самаадукацыяй, у кагосьці папрасіць дапамогi, – сказаў Арзамасцаў.