Прадстаўнік МЗС Францыі Лежандр – пра допуск расіян да Алімпіяды: «Гэта рашэнне павінны прымаць у МАК»
Прэс-сакратар МЗС Францыі Ан-Клер Лежандр падзялілася думкамі пра магчымы допуск расійскіх спартсменаў да Алімпійскіх гульняў у Парыжы.
«Па гэтым актуальным пытанні мы кажам, што з'яўляемся краінай-гаспадыняй гэтых Алімпійскіх гульняў, але гэты статус не дазваляе нам прымаць рашэнні. Гэта рашэнне павінна быць прынята ў Міжнародным алімпійскім камітэце.
Мы паглядзім, якое рашэнне будзе прынята, але таксама падзяляем занепакоенасць, якую выказваюць нашы ўкраінскія сябры.
Мы разумеем, што гэтае пытанне адчувальнае. Але рашэнне аб прадастаўленні віз спартсменам не прымае краіна-гаспадыня. Будзе вырашаць Міжнародны алімпійскі камітэт, і мы паглядзім, якім будзе яго рашэнне», – сказала Лежандр.
МАК лічыць, што ў спаборніцтвах павінны прымаць удзел у нейтральным статусе тыя спартсмены, якія актыўна не падтрымлівалі вайну ва Украіне.
