Фрыстайлісткі зборнай Аўстраліі Дашчынскага ўзялі два медалі на этапе Кубка свету
Аўстралійкі Даніэль Скот і Эбі Уілкакс заваявалі сярэбраны і бронзавы медалi на этапе Кубка свету па лыжнай акрабатыцы ў амерыканскім Дзір-Вэлі.
Золата ўзяла амерыканка Вінтэр Вінецкі, якая набрала 77,90 бала. Такую ж суму балаў набрала Скот. У выпадку роўнасці ачкоў для вызначэння пераможцы звяртаюцца да горшых ацэнак аднаго з пяці рэферы, якія «адкідаюцца» і не ідуць у залік.
Адзначым, што зборную Аўстраліі трэці год трэніруе двухразовы прызёр Алімпійскіх гульняў беларус Дзмiтрый Дашчынскі.
Кубак свету
Лыжная акрабатыка
Дзір-Вэлі (ЗША)
Жанчыны
1. В. Вінецкі (ЗША) – 77,90.
2. Д. Скот (Аўстралія) – 77,90.
3. Э. Уілкакс (Аўстралія) – 76,85.
У агульным заліку пасля трох этапаў з шасці лідзіруе Вінецкі (232 ачкі). Яе пераследуе Скот (200). Трэцяе месца ў Марыён Тэно з Канады (122).