Медалістка АГ-2020 Курачкіна: «Мара ўсё тая ж – алімпійскае золата»
Сярэбраны прызёр АГ-2020 па вольнай барацьбе Ірына Курачкіна расказала пра сваю мару.
- Ірына, раскажыце, калі ласка, пра месца, дзе Вы нарадзіліся, пайшлі ў школу?
- Нарадзілася ў г.п. Круглае Магілёўскай вобласці. Жыла ў вёсцы Ракушава. Скончыла 8 класаў у СШ №2, пасля паступіла ў Бабруйскую вучэльню алімпійскага рэзерву.
- У Вас шмат сяброў?
- У мяне нямала знаёмых і сяброў. Гэта тыя людзі, якія цягам многіх гадоў заўсёды побач.
- Якая кніга зрабіла на Вас самае вялікае ўражанне?
- Больш за ўсё мне спадабалася кніга «Майстар і Маргарыта».
- Якую музыку Вы любіце слухаць?
- Заўсёды слухаю музыку пад настрой. Часцей, мусіць, у стылі RnB.
- Ірына, ці ёсць у Вас хобі?
- Люблю актыўны адпачынак: катанне на веласіпедзе, басейн, прагулкі на прыродзе.
- А мара?
- Мара ўсё тая ж. Алімпійскае золата.
- Якія пяць рэчаў Вы ўзялі б на бязлюдны востраў?
- Ежа, вада, запалкі, адзенне, палатка...
- Якія думкі праносяцца ў галаве падчас барацьбы?
- Думка толькі адна – перамагчы.
- Які быў любімы прадмет у школе?
- Геаграфія, бо ў дзяцінстве марыла падарожнічаць…
- Калі б Вы маглі загадаць адно любое жаданне, і яно абавязкова спраўдзілася б, то што б Вы загадалі?
- Каб усе людзі былі здаровыя, – сказала Курачкіна.