Асацыяцыя спартыўнай барацьбы, НАК і Мінспорту Украіны патрабуюць выключыць Каладзінскую са спісу ўдзельніц АГ-2024

Украіна накіравала ў МАК ліст з патрабаваннем не дапускаць беларускую Ванэсу Каладзінскую да Алімпійскіх гульняў у Парыжы.

Дакумент падпісаны кіраўнікамі НАК, Мінспорту і Асацыяцыі спартыўнай барацьбы Украіны. У ім адзначаецца, што спартсменка «парушае патрабаванні нейтралітэту».

Адзначым, што ў дакуменце пазначана, што 9 студзеня 2024 года спартсменка ўдзельнічала ў прапагандысцкім мерапрыемстве разам з Лукашэнкам. Тады Каладзінская атрымала прэмію Лукашэнкі за «духоўнае адраджэнне».

Рэжым пацвердзіў прыналежнасць да «МУС» Каладзінскай. Яна адабралася на АГ, куды не павінны дапускаць асоб з кантрактамі з «органамі»

Нагадаем, што Каладзінская мае дачыненне да сілавых структур Беларусі. Спартсменка з'яўляецца чальцом таварыства «Дынама», звязанага з МУС Лукашэнкі.

Падобна, барцы не здольныя адужаць рэкамендацыі МАК: палова беларусаў, якіх пусцілі на Еўра, звязаныя з «сілавікамі» Лукашэнкі