Прайшла з ім шлях да мары гуляць у Еўропе, па Instagram можна сачыць за кар'ерай мужа – паказваем жонку форварда польскай «Кароны» Шыкаўкі
Разам ужо 10 гадоў.
Яўген Шыкаўка – адзін з нешматлікіх беларускіх футбалістаў, які па ходзе кар'еры аддае перавагу замежным чэмпіянатам. І гэты пры тым факце, што ў пэўны момант з футболам магло ўвогуле не атрымацца. 11 гадоў таму Шыкаўка апынуўся непатрэбным БАТЭ, выхаванцам якога з'яўляецца, потым не атрымалася ў першалігавых «Полацку», «Слоніме» і «Славіі» – кар'еру ўратавалі «Крумкачы», з якімі футбаліст прайшоў шлях з другой лігі ў вышэйшую. Пазней Шыкаўка расказваў, што не скончыў з футболам менавіта праз поспехі ў складзе «крумак».
Пасля Мінска нападаючы выдаў добрыя два сезоны ў «Слуцку», што прынесла першы замежны кантракт – пасля сезона-2018 Шыкаўка падпісаўся з грэцкай «Ларысай». Першы блін, так бы мовіць комам: 15 матчаў, адзін гол. Потым былі два гады ў мінскім «Дынама», няўдача ў «Шахцёры» з Караганды (5 матчаў ды адзін гол). Але замест чарговага вяртання ў беларускую «вышку» Шыкаўка рызыкнуў і падпісаўся ў «Карону» з польскага Д2, і вось тут пайшла справа: выйшаў з камандай у Экстраклясу, дапамог захаваць прапіску ў эліце. Агулам на рахунку беларускага нападаючага 50 матчаў, дзевяць галоў і адзін асіст за каманду з Кельцэ, а па выніках мінулага сезона заўзятары прызналі Яўгена найлепшым форвардам. У траўні бягучага года «Карона» падпісала з ім новы кантракт да 2025-га года з опцыяй працягу пагаднення на два гады.
Складаны шлях да мары гуляць у еўрапейскім чэмпіянаце Шыкаўка прайшоў не адзін, а з Таццянай: разам яны ўжо дзесяць гадоў, з якіх апошнія два – муж і жонка.
Па Instagram другой палоўкі футбаліста можна сачыць за яго кар'ерай. Вось фота з часоў «Крумкачоў»:
Здымак з Ларысы:
Казахстан:
Цяпер яны разам і ў Кельцэ:
А вось і чэрвеньскія фота з сумеснага падарожжа ў Іспанію. Нагадаем, што на падставе набыцця квіткоў на гэты адпачынак Шыкаўка адмовіўся ад запрашэння ў зборную Беларусі на матчы супраць Ізраіля (1:2) і Косава (2:1) у кваліфікацыі да Еўра-2024.
І яшчэ некалькі фота дзяўчыны дня:
