Туса на яхце, дабраліся нават да Кітая. Як праводзяць свой водпуск беларускія футбалісты
Вакацыі.
Беларускі футбол пайшоў на паўзу, а яго галоўныя героі хуценька сабралі валізкі і пакацілі ў адпачынак. Асноўнымі напрамкамі для футбалістаў сталі Дубай і Мальдывы, хаця ёсць і іншыя варыянты.
Уладальнік золата чэмпіянату Арцём Быкаў не стаў мудрагеліць з месцам для адпачынку і адправіўся ў Арабскія Эміраты, адкуль забаўляе сваіх падпісчыкаў своеасаблівымі фатаграфіямі.
Але ёсць у яго і больш традыцыйныя здымкі з адпачынку.
У гэтым жа кірунку выбралася кампанія белазаўцаў Рыгора Марцьянава, Кірыла Глушчанкова, Аляксандра Ксенафонтава, мінскіх дынамаўцаў Андрэя Рылача, Глеба Жэрдзева, Алега Нікіфарэнкі і гульца «Віцебску» Рамана Лісоўскага. Там гульцы арандавалі яхту, з якой посцілі сумесныя фота.
Футбаліст года-2022 Уладзімір Хвашчынскі таксама аддаў перавагу ААЭ. Тут ён адпачывае ў кампаніі яшчэ аднаго дынамаўца Аляксандра Сялявы і гульца «Елымая» Дзмітрыя Яшына.
А яшчэ – Валерыя Гарбачыка і Максіма Мякіша.
Іншае, але не менш папсовае месца абралі сем'і Ігара Стасевіча і Сергея Кісляка.
Тут яны могуць сустрэцца з уладальнікам сярэбраных медалёў Сяргеем Карповічам.
Або чэмпіёнам Узбекістана Паўлам Паўлючэнкам.
На гэтыя астравы прыляцеў адпачываць і гулец казахстанскага «Кызыл-Жар» Яўген Бярозкін.
Гулец БАТЭ Валерый Бачароў палічыў за лепшае адправіцца на інданезійскі востраў Балі.
Гэты кірунак абраў і зараз ужо гулец тульскага «Арсенала» Іван Бахар.
Антон Чычкан, мяркуючы па ўсім, адправіўся на адзін з кітайскіх курортаў. Гулец выклаў фота з геаметкай запаведніка Востраў малпаў, які знаходзіцца ў лагуне Сіньцунь.
Дзмітрый Анцілеўскі з жонкай выбралі не самае папулярнае для снежня месца адпачынку – пара адправілася ў грузінскую сталіцу.
А вось гульцу «Урала» Ягору Філіпенку з водпускам не пашанцавала. Сямʼя ўжо сабрала валізкі, як высветлілася, што захварэла яго дачка. Так што планы прыйшлося адмяніць.
