РФ забараніла ўезд канадскім фігурысткам Дзюамель і Вірцю
МЗС Расіі апублікавала спіс з 333 грамадзянамі Канады, якім забаранілі ўезд у РФ.
У спісе ёсць 42 спартсмены з Канады. Сярод іх – алімпійскія чэмпіёнкі па фігурным катанні Меган Дзюамель і Тэса Вірцю. Яны падпісалі ліст аб адхіленні расійскіх спартоўцаў ад Алімпіяды-2024.
«З прычыны антырасейскіх санкцыяў, якія перыядычна ўводзяцца рэжымам Дж.Трудо супраць афіцыйных асоб, палітыкаў, экспертаў, журналістаў, дзеячаў культуры і спартсменаў з Расіі, а таксама ўсіх, хто не задавальняе атаўскі «мэйнстрым» і падтрымліваюцца ім неанацысцкія ўлады ў Кіеве, уезд у Расійскую Федэрацыю закрываецца на сталай аснове для 333 грамадзян Канады.
Прытрымліваючыся прынцыпу непазбежнасці пакарання, расійскі бок у адказ на варожыя дзеянні Атавы ўнёс у «стоп-ліст» прадстаўнікоў канадскага кіраўніцтва, парламентарыяў і палітыкаў рознага ўзроўню, грамадскіх актывістаў і атлетаў, якія маюць дачыненне да распаўсюджвання ў краіне ашалелай русафобіі. Гэтая мера заклікана таксама заахвоціць тых, хто трапіў у «чорны спіс», змяніць свае паводзіны», – сказана ў заяве МЗС РФ.
