«Эвертан» пра зняцце 10 ачкоў у АПЛ: «Клуб шакіраваны і расчараваны рашэннем камісіі АПЛ»
«Эвертан» выступіў з афіцыйнай заявай датычна зняцця 10 ачкоў у сезоне АПЛ з-за парушэння правіл фінансавага фэйр-плэй.
«Футбольны клуб «Эвертан» шакіраваны і расчараваны рашэннем камісіі АПЛ.
Клуб лічыць, што Камісія наклала абсалютна непрапарцыйную і несправядлівую спартыўную санкцыю. Клуб ужо паведаміў пра намер аспрэчыць рашэнне ў АПЛ. Цяпер пачнецца працэс апеляцыі, і справу клуба будзе разглядаць Апеляцыйная рада, прызначаная ў адпаведнасці з правіламі Прэм'ер-лігі ў належны час.
«Эвертан» сцвярджае, што ён быў адкрытым і празрыстым у інфармацыі, якую ён даваў Прэмʼер-лізе, і што ён заўсёды паважаў сумленнасць працэсу. Клуб не прызнае выснову пра тое, што ён не дзейнічаў з максімальнай добрасумленнасцю, і не разумее абвінавачання, зробленага Прэмʼер-лігай падчас разгляду. Суровасць накладзеных Камісіяй санкцый не зʼяўляецца ні справядлівым, ні разумным адлюстраваннем прадстаўленых доказаў.
Клуб таксама з вялікай цікавасцю будзе сачыць за рашэннямі, прынятымі па любых іншых справах, якія датычацца Правіл прыбытку і ўстойлівага развіцця Прэмʼер-лігі.
«Эвертан» не можа больш шырока каментаваць гэтае пытанне, пакуль не завершыцца апеляцыйны працэс», – гаворыцца ў заяве.
